Sanga Mukund Kuni Ha - सांगा मुकुंद कुणि हा

सांगा मुकुंद कुणि हा पाहिला

रासक्रीडा करिता वनमाळी, हो
सखे होतो आम्ही विषयविचारी
टाकुनि गेला तो गिरिधारी
कुठे गुंतून बाई हा राहिला
सांगा मुकुंद कुणि हा पाहिला

गोपी आळविती, हे ब्रजभूषणा हे
वियोग आम्हांलागी तुझा ना साहे
भावबळे वनिता व्रजाच्या, हो
बोलावुनि सुताप्रती नंदजीच्या
प्रेमपदी यदुकुळटिळकाच्या
म्हणे होनाजी हा, देह हा वाहिला
सांगा मुकुंद कुणि हा पाहिला