Aai Mazi Konala Pavali go - आई माझी कोणाला पावली

आई माझी कोणाला पावली गो आई माझी कोणाला पावली

पावली कोली लोकायाला गो कोली लोकायाला
आई माझी एकोरी एकोरी गो आई माझी एकोरी एकोरी
आई तुझी लोनावल्याची वाट गो आई तुझी लोनावल्याची वाट
आई तुझं मलवली ठेसन गो आई तुझं मलवली ठेसन
आई तुझा गुल्लालु डोंगर गो आई तुझा गुल्लालु डोंगर
आई तुझा डोंगर कुणी बांधिला गो आई तुझा डोंगर कुणी बांधिला
बांधिला पाच पांडवांनी गो भीमा बांधवांनी
आई तुझं देऊळ कुणी बांधिलं गो आई तुझं देऊळ कुणी बांधिलं
बांधिलं पाच पांडवांनी गो अर्जुन बांधवांनी
आई माझी कोंबर्‍यावर बैसली गो आई माझी कोंबर्‍यावर बैसली
आई तुला नवस काय काय बोलु गो आई तुला नवस काय काय बोलु
आई माझी कोणाला पावली गो आई माझी कोणाला पावली
पावली कोली लोकायाला गो कोली लोकायाला

Mala Ved Lagale re Premache मला वेड लागले प्रेमाचे

रंगबावर्‍या स्वप्‍नांना सांगा रे सांगा

कुंदकळ्यांना वेलींना सांगा रे सांगा
हे भास होती कसे, हे नाव ओठीं कुणाचे
का सांग वेड्या मना, मला भान नाही जगाचे
मला वेड लागले प्रेमाचे

नादावले, धुंदावले, कधी गुंतले मन बावळे
नकळे कसे कोणामुळे सूर लागले मनमोकळे
हा भास की तुझी आहे नशा
मला साद घालती दाही दिशा
मला वेड लागले प्रेमाचे

जगणे नवे वाटे मला, कुणी भेटला माझा मला
खुलता कळी उमलून हा मनमोगरा गंधाळला
हा भास की तुझी आहे नशा
मला साद घालती दाही दिशा
मला वेड लागले प्रेमाचे

Ek Veera Aai tu Dongaravari - एकविरा आई तू डोंगरावरी

एकविरा आई तू डोंगरावरी

नजर हाय तुझी कोल्यांवरी

कोल्यांचा धंदा हाय जीवा उधारी ग
पाठीशी उभी हाय एकविरा आई ग
धनी माझा गेलाय बारांडोलीला
अवचित सुटलाय वादली वारा

मागनं मांगतंय एकविरा आई ग
धनी माझा येऊंदेस दर्या किनारी ग
दसर्‍याचे आई तुझे सणाला
जोर्‍यांशी येऊ आई तुझे होमाला

नवसाचा मान देऊ कोंबर्‍या-बकर्‍यांचा ग
खना-नारलाशी भरीन ओटी ग
चैताचे आई तुझे सणाला
पोरांशी येऊं आई तुझे भेटीला

Gomu Tuze Nadan Go - गोमू तुझे नादानं गो

Gomu Tuze Nadana go nadan go nadan bandhalay bangala

गोमू तुझे नादानं गो नादानं गो नादानं बांधलाय्‌ बंगला

Gomu Tuze Nadana go nadan go nadan bandhalay bangala gomu tu hoshil ka hoshil ka hoshil kay go naakhveen Galyanchi Bormal tula mi karin payanche vaale tula mi aanin Hoshil ka Hoshil ka Hoshil gavachi patlin Gomu Tuze Nadana go nadan go nadan bandhalay bangala Gomu tuze Dokyan go hyo gajara n poranchya laglyan najara gomu aaple doghancha go hyo jora n disel sobun bara mathyan jai-juicha jyo zela, kaay bolto hyo mela Gomu Tuze Nadana go nadan go nadan bandhalay bangala Ambar Number Bolte Shanbhar Nambar Tuze lugaryala Laglay Dambar tuze lugaryala kavar pori jesann go haye sundar pori jesan go haye sundar tuze cholila sonyachi jar pori, chalnen go pahila nambar pori chalnen go pahila namber Tuze Nadana go nadan go nadan bandhalay bangala Gumu Tuze Nadana go nadan go nadan bandhalay bangala

गोमू तुझे नादानं गो नादानं गो नादानं बांधलाय्‌ बंगला गोमू तू होशील का होशील का होशील काय गो नाखवीन गल्यान्‌ची बोरमाल तुला मी करीन पायांचे वाले तुला मी आणीन होशील का होशील का होशील गावची पाटलीन गोमू तुझे नादानं गो नादानं गो नादानं बांधलाय्‌ बंगला गोमू तुझे डोक्यानं गो ह्यो गजरा न्‌ पोरांच्या लागल्यान्‌ नजरा गोमू आपले दोघांचा गो ह्यो जोरा न्‌ दिसेल सोबून बरा माथ्यान्‌ जाईजुईचा ह्यो झेला, काय बोलतो ह्यो मेला गोमू तुझे नादानं गो नादानं गो नादानं बांधलाय्‌ बंगला अंबर नंबर बोलते शंभर नंबर तुझे लुगर्‍याला लागलाय्‌ डांबर तुझे लुग-याला लागलाय्‌ डांबर आवर सावर मेल्या बघतंयस कवार पोरी जेसनन गो हाये सुंदर पोरी जेसनन गो हाये सुंदर तुझे चोलीला सोन्याची जर पोरी, चालनेन्‌ गो पहिला नंबर पोरी चालनेन्‌ गो पहिला नंबर तुझे नादानं गो नादानं गो नादानं बांधलाय्‌ बंगला गोमू तुझे नादानं गो नादानं गो नादानं बांधलाय्‌ बंगला

BACK.....

Chikana Chikana Mhavra - चिकना चिकना म्हावरा

Gheunshi ja ra taja taja dada taja taja

chikana chikana mhavra maza

Iswas thev ra sangtay nakki\
yache purti kombari fiki
angan jor yeyil kam kaja dada kam kaja

chikana chikana mhavra maza

Distas melya bombilvani
khashil tar hoshil bhoplyavani
takdichya davyacha hyo raja dada hyo raja

chikana chikana mhavra maza

Talunshi kha jara garam garam
mitunshi jaeel sagla bharam
vanjal khushicha bendbaja dada bendbaja

chikana chikana mhavra maza

Mhavra hay maza sonyavani
baghtas kalaa ka kavlyavani
bombil vakti sukat kha ja

chikana chikana mhavra maza

Bolu naku nai barpacha hyo
nit bag nai kal-parvacha hyo
vaskalashitas chal fut ja

chikana chikana mhavra maza

                        = o0o =

घेऊनशी जा रं ताजा ताजा दादा ताजा ताजा
चिकना चिकना म्हावरा माझा
इस्वास ठेव रं सांगतंय्‌ नक्‍की
याचे पुरती कोंबरी फिकी
अंगानं जोर येईल कामकाजा दादा कामकाजा
चिकना चिकना म्हावरा माझा

दिसतंस मेल्या बोंबलावनी
खाशील तर होशील भोपल्यावानी
ताकदीच्या दव्याचा ह्यो राजा दादा ह्यो राजा
चिकना चिकना म्हावरा माझा

तलूनशी खा जरा गरम गरम
मिटुनशी जाईल सगला भरम
वाजंल खुशीचा बेंडबाजा दादा बेंडबाजा
चिकना चिकना म्हावरा माझा

म्हवरा हाय माझा सोन्यावानी
बघतंस कला का कावल्यावानी
बोंबील वाकटी सुकट खा जा
चिकना चिकना म्हावरा माझा

बोलू नको नाई बरपाचा ह्यो
नीट बग नाई काल-परवाचा ह्यो
वासकलाशीतंस चल फुट जा
चिकना चिकना म्हावरा माझा

Dol Doltay Varyavar Bay - डोल डोलतंय् वार्यावर बाय

डोल डोलतंय्‌ वार्‍यावर बाय माझी,
डोल डोलतंय्‌ वार्‍यावर

खंडोबा राया परतंय्‌ मी पाया
तुझे भेटीला हाणीन नौकेला

डोंगरची माऊली कोल्यांची सावली
दर्यान्‌ कोल्यांचे हाकेला धावली

होरं कसं जाऊ दे बारान्‌ कवीला
माव्हरं सोनेरी परेल आपले डोलीला

माव्हरं कसं परलंय्‌ आपले डोलीला
शिंगाला सरगा काटेरी पाला

पुनवेचा चांद कसा डोंगराला आयलाय्‌ गो
पुनवेचा चांद कसा डोंगराला आयलाय्‌

Mi Dilkar Dolkar Daryacha Raja - मी डोलकर डोलकर

वल्हव रे नाखवा हो वल्हव रे रामा

मी डोलकर डोलकर, डोलकर दर्याचा राजा
घर पान्यावरी बंदराला करतो ये जा !

आयबापाची लाराची लेक मी लारी
चोली पीवली गो नेसलंय अंजीरी सारी
माज्या केसान गो मालीला फुलैला चाफा
वास परमालता वार्‍यानं घेतंय झेपा
नथ नाकान साजीरवानी
गला भरुन सोन्याचे मनी
कोलिवार्‍याची मी गो रानी
रात पुनवेला नाचून करतंय्‌ मौजा

या गो दर्याचा दर्याचा दर्याचा दरारा मोठा
कवा पान्यावरी उठतान डोंगरलाटा
कवा उदानवारा शिराला येतंय्‌ फारू
कवा पान्यासुनी आबाला भिरतंय तारू
वाट बगून झुरते पिरती
मंग दर्याला येतंय्‌ भरती
जाते पान्यानं भिजून धरती
येतंय भेटाया तसाच भरतार माजा

भल्या सकालला आबाल झुकतं हे खाली
सोनं चमचमतं दर्याला चढते लाली
आमी पान्यामंदी, रापण टाकतो जाली
धन दर्याचं लुटून भरतो डाली
रात पुनवेचं चांदनं प्याली
कशि चांदीची मासली झाली
माज्या जाल्यात होऊन आली
नेतो बाजारा भरून म्हावरां ताजा

Ya Go Dandyavarna Bolte - या गो दांड्यावरना बोलते

या गो दांड्यावरना बोलते नवरा कुनाचा येतो

त्यांच्या करवल्या गो, करवल्या नाजुक-साजुक
त्या नेसल्या गो, नेसल्या पैठणी सार्‍या
त्यांच्या डोईमंदी, सायलींच्या गो येन्या
पायी पैंजण गो, वाजती रुणझुण छुनछुन
त्या चालल्या गो, चालल्या ठुमकत ठुमकत
त्यांचे वर्‍हाडी गो, वर्‍हाडी फेटेवाले
त्यांचे यजमान गो, यजमान चष्मेवाले
त्यांचे भाऊबंद गो, भाऊबंद घोरेवाले
त्यांनी उरविले, उरविले दारुगोले

Vadal Vara Sutala G वादलवारं सुटलं गो

वादलवारं सुटलं गो
वार्‍यानं तुफान उठलं गो
भिरभिर वार्‍यात
पावसाच्या मार्‍यात
सजनानं होडीला पान्यात लोटलं
वादलवारं सुटलं गो !

गडगड ढगांत बिजली करी
फडफड शिडात धडधड उरी
एकली मी आज घरी बाय
संगतीला माझ्या कुनी नाय
सळसळ माडांत
खोपीच्या कुडात
जागनार्‍या डोल्यांत सपान मिटलं
वादलवारं सुटलं गो !

सरसर चालली होडीची नाळ
दूरवर उठली फेसाची माळ
कमरेत जरा वाकूनिया
पान्यामंदी जालं फेकूनिया
नाखवा माजा
दर्याचा राजा
लाखाचं धन यानं जाल्यात लुटलं
वादलवारं सुटलं गो !

Asava Sundar Chokletch Bangala - असावा सुंदर चॉकलेटचा

असावा सुंदर चॉकलेटचा बंगला
चंदेरी सोनेरी चमचमता चांगला

चॉकलेटच्या बंगल्याला टॉफीचं दार
शेपटीच्या झुपक्यानं झाडून जाईल खार

गोल गोल लेमनच्या खिडक्या दोन
"हॅलो, हॅलो !" करायला छोटासा फोन !

बिस्कटांच्या गच्‍चीवर मोर छानदार
पेपरमिंटच्या अंगणात फुलं लाललाल

चांदीच्या झाडामागं चांदोबा रहातो
मोत्यांच्या फुलांतून लपाछपी खेळतो

उंच उंच झोक्याचा खेळ रंगला
मैनेचा पिंजरा वर टांगला

किती किती सुंदर चॉकलेटचा बंगला
चंदेरी सोनेरी चमचमता चांगला

Avaghe Garaje Pandharpur - अवघे गर्जे पंढरपूर

अवघे गर्जे पंढरपूर
चालला नामाचा गजर

टाळघोष कानी येती
ध्यानी विठ्ठलाची मूर्ती
पांडुरंगी नाहले हो
चंद्रभागा नीर

इडापिडा टळुनि जाती
देहाला या लाभे मुक्ती
नामरंगी रंगले हो
संतांचे माहेर

देव दिसे ठाई ठाई
भक्त लीन भक्तापाई
सुखालागी आला या हो
आनंदाचा पूर

Ala Ala Vara - आला आला वारा

आला आला वारा संगे पावसाच्या धारा
पाठवणी करा सया निघाल्या सासुरा

नव्या नवतीचं बाई लकाकतं रूप
माखलं ग ऊन जणू हळदीचा लेप
ओठी हसू पापणीत आसवांचा झरा

आजवरी यांना किती जपलं जपलं
काळजाचं पानी किती शिंपलं शिंपलं
चेतवून प्राण यांना दिला ग उबारा

येगळी माती आता ग येगळी दुनिया
आभाळाची माया बाई करील किमया
फुलंल बाई पावसानं मुलुख ग सारा

Malyachya Malya mandhi kon g ubhi - माळ्याच्या मळ्यामधी

माळ्याच्या मळ्यामधी कोण ग उभी
राखण करते मी रावजी,
रावजी, हात नका लावू जी, पाहिल कुणी तरी

औंदाचं ग वरीस बाई मी सोळावं गाठलं ग
चोळी दाटली अंगाला बाई कापड का फाटलं ग
काळीज माझं धडधड करी, उडते पापणी वरचेवरी
रावजी, हात नका लावू जी, पाहिल कुणी तरी

नार गोमटी तू देखणी ठुसका बांधा ठसला मनी
फुलराणी जीव माझा साजणी ग जडला तुझ्यावरी
रावजी, हात नका लावू जी, पाहिल कुणी तरी

माळ्याच्या मळ्यामधी कोण ग उभी
वांगी तोडते मी रावजी,
रावजी, हात नका लावू जी, पाहिल कुणी तरी

गोर्‍या गालावरी ग माझ्या लाली लागली दिसू ग
अंघोळीला बसले, माझं मलाच येई हसू ग
पदर राहिना खांद्यावरी पिसाट वारं भरलं उरी
रावजी, हात नका लावू जी, पाहिल कुणी तरी

शुक्राची ग तू चांदणी, लाजू नको ग नाही कुणी
मंजुळा, जीव तुझ्यावर खुळा ग झाला खरोखरी

माळ्याच्या मळ्यामधी कोण ग उभी
वांगी तोडते मी रावजी,
रावजी, हात नका लावू जी, पाहिल कुणी तरी

Kay G Sakhu - काय ग सखू

काय ग सखू ?
बोला दाजिबा !

काय ग सखू, बोलू का नगू,
घडिभर जरा थांबशील का ?
गोडगोड माझ्याशी बोलशील का ?

काय सांगू बाई, लई मला घाई
दाजिबा बोलायला येळच नाही !

येळच नाही ?
दाजिबा थांबायला येळच नाही !

डोईवर घेऊन चाललीस काई ?

डोईवर पाटी, पाटीत भाकरी, भाकरीवर तांब्या
तांब्यात दूध हाय गाईचं, घेता का दाजिबा वाईचं ?

काय ग सखू, रागावू नगू,
घडीभर जरा थांबशील का ?
थांबशील का ग, जातीस कुठं तू सांगशील का ?

रानाच्या वाटं घेताय भेट
दाजिबा तुमचं वागणंच खोटं

वागणंच खोटं ?
पहाटेच्या पारी तू चाललीस कुठं ?

पहाटेच्या पारी, घेऊन न्यारी, बाई लौकरी,
जाते मी पेरुच्या बागात, येऊ नका दजिबा रागात

काय ग सखू, घाबरू नगू,
घडीभर जरा थांबशील का ?
मनात काय तुझ्या सांगशील का ?

सांगू कशी मी कस्‌कसं होतं
मनात माझ्या भलतंच येतं

काय ग सखू तुझ्या मनात येतं ?

दुखतंय कुठं कळंना नीट, लाज मला वाटं
दाजिबा तुम्हाला माहीत, जायाचं का आंबराईत ?

चल चल सखू, चल ग सखू
जावा दाजिबा, अहो जावा दजिबा !

Santh Vahate Krushnamai - संथ वाहते कृष्णामाई

संथ वाहते कृष्णामाई
तीरावरल्या सुखदुःखाची जाणीव तिजला नाही

नदी नव्हे ही निसर्ग-नीती, आत्मगतीने सदा वाहती
लाभहानिची लवही कल्पना नाही तिज ठायी

कुणी नदीला म्हणती माता, कुणी मानिती पूज्य देवता
पाषाणाची घडवुन मूर्ती पूजित कुणी राही

सतत वाहते उदंड पाणी, कुणी न वळवुन नेई रानी
आळशास ही व्हावी कैसी गंगा फलदायी ?

Tuze Rup chitti Raho - तुझे रूप चित्ती राहो

तुझे रूप चित्ती राहो, मुखी तुझे नाम
देह प्रपंचाचा दास, सुखे करो काम

देहधारी जो-जो त्यासी विहित नित्यकर्म
सदाचार नीतिहुनी आगळा ना धर्म
तुला आठवावे, गावे, हाच एक नेम

तुझे नाम पांडुरंगा सर्व ताप नाशी
वाट प्रवासासी देती स्वये पाप राशी
दिसो लागली तू डोळा अरूपी अनाम

तुझ्या पदी वाहिला मी देहभाव सारा
उडे अंतराळी आत्मा सोडुनि पसारा
नाम तुझे घेतो गोरा म्हणूनी आठयाम

Satyam Shivam Sundara - सत्यम्‌ शिवम्‌ सुंदरा

नमस्कार माझा या ज्ञानमंदिरा

सत्यम्‌ शिवम्‌ सुंदरा

शब्दरूप शक्ती दे
भावरूप भक्ती दे
प्रगतीचे पंख दे चिमणपाखरा

विद्याधन दे अम्हांस
एक छंद, एक ध्यास
नाव नेई पैलतीरी दयासागरा

हो‍ऊ आम्ही नीतिमंत
कलागुणी बुद्धिमंत
कीर्तिचा कळस जाय उंच अंबरा

Kunya Gavach aal pakharu - कुण्या गावाचं आलं

Kunya gavach aala pakharu
baslay doulat aan khudu-khudu hastay galat...

kas labaad khudu-khudu hastay, kas kas baghatay haan..
aaplyach nadat g bai bai aaplyach nadat


Maan karun jarashi tirki, bhaan harpoon ghetay girki
kiti eeshara kela tari bi
aaplyach talaat aan khudu-khudu hastay galat...

Kashi subak tanch bandhani, hi tarun tanu dekhani
kashi kaamina chukun aali
ain mahalat aan khudu-khudu hastay galat...

Laal chutuk dalimb futu, mau vhatala pani sut
hi madanachi nasha maeena

tapor dolyat aan khudu-khudu hastay galat...
                     = o0o =
कुण्या गावाचं आलं पाखरू
बसलंय्‌ डौलात न्‌ खुदूखुदू हसतंय्‌ गालात
कसं लबाड खुदूखुदू हसतंय, कसं कसं बघतंय्‌ हं
आपल्याच नादात ग बाई बाई आपल्याच नादात

मान करून जराशी तिरकी, भान हरपून घेतंय्‌ गिरकी
किती इशारा केला तरी बी
आपल्याच तालात न्‌ खुदूखुदू हसतंय्‌ गालात

कशी सुबक टंच बांधणी, ही तरुण तनु देखणी
कशी कामिना चुकून आली
ऐने महालात न्‌ खुदूखुदू हसतंय्‌ गालात

लाल चुटुक डाळिंब फुटं, मऊ व्हटाला पाणी सुटं
ही मदनाची नशा माईना
टपोर डोळ्यांत न्‌ खुदूखुदू हसतंय्‌ गालात 

Malyachya Malyamandhi Patach Pani Jaat - माळ्याच्या मळ्यामंदी

Malyachya Malya mandi pataach pani jaat

gulab jaai, juee, mogara phulavit

dadachya malyamandi motach moth pani
paajite raan saar mayechi vayani
hasat dulat motyach peek yet

gulab jaai, juee, mogara phulavit.......

Laadaki Lyek rajacha Lyok

lagin mazya chimanich.....

savala bandhiraya, saajari vayanibai
gojiri shirpa-hansa mhayeri mazya haay
vatan mhayerachya dhaavan man jaat


gulab jaai, juee, mogara phulavit.......

Gadani, Sajani, Gadani Sajani Gadani g

Raabato Bhau Raya matich zaala sona
najar kadhu kashi jeevach limbalon

mayela poor yeto, paaruch man jaat...

gulab jaai, juee, mogara phulavit.......

                                = o0o =

माळ्याच्या मळ्यामंदी पाटाचं पानी जातं
गुलाब, जाई, जुई, मोगरा फुलवीतं
दादाच्या मळ्यामंदी मोटंचं मोटं पानी
पाजिते रान सारं मायेची वयनी
हसत डुलत मोत्याचं पीक येतं

लाडकी ल्येक राजाचा ल्योक
लगीन माझ्या चिमनीचं

सावळा बंधुराया, साजिरी वयनीबाई
गोजिरी शिर्पा-हंसा म्हायेरी माज्या हाय
वाटंनं म्हयेराच्या धावत मन जातं

गडनी, सजनी, गडनी सजनी गडनी ग

राबतो भाऊराया मातीचं झालं सोनं
नजर काढू कशी जिवाचं लिंबलोनं
मायेला पूर येतो, पारुचं मन जातं

Nako Devaraya Ant Aata - नको देवराया अंत आता

नको देवराया अंत आता पाहू

प्राण हा सर्वथा जाऊ पाहे

हरिणीचे पाडस व्याघ्रे धरीयेले
मजलागी जाहले तैसे देवा

तुजविण ठावं न दिसे त्रिभुवनी
धावे हो जननी विठाबाई

मोकलूनी आस जाहले उदास
घेई कान्होपात्रेस हृदयांत

Airanichya Deva Tula - ऐरणिच्या देवा तुला

ऐरणिच्या देवा तुला ठिणगि ठिणगि वाहु दे
आबाळागत माया तुजी आमावरी र्‍हाउं दे

लेऊं लेनं गरिबीचं
चनं खाऊं लोखंडाचं
जिनं व्हावं आबरुचं
धनी मातुर माजा देवा, वाघावानी आसुं दे

लक्षुमिच्या हातातली
चवरि व्हावी वरखाली
इडापीडा जाइल, आली-
किरपा तुझी, भात्यातल्या सुरासंगं गाउं दे !

सुख थोडं, दु:ख भारी
दुनिया ही भली-बुरी
घाव बसंल घावावरी
सोसायाला, झुंजायाला, अंगि बळं येउं दे !

Kunachya Khandyavar - कुणाच्या खांद्यावर

कुणाच्या खांद्यावर कुणाचें ओझें ?

कशासाठी उतरावे तंबू ठोकून ?
कोण मेले कोणासाठी रक्त ओकून ?
जगतात येथे कुणी मनात कुजून !
तरी कसे फुलतात गुलाब हे ताजे ?

दीप सारे जाती येथे विरून, विझून
वृक्ष जाती अंधारात गोठून, झडून.
जीवनाशी घेती पैजा घोकून घोकून,
म्हणती हे वेडे पीर तरी आम्ही राजे !

अंत झाला अस्ताआधी, जन्म एक व्याधी,
वेदनांची गाणी म्हणजे पोकळ समाधी.
देई कोण हळी, त्याचा पडे बळी आधी,
हारापरी हौतात्म्य हे त्याच्या गळी साजे

Sakya Re Gharal Mi - सख्या रे घायाळ मी

हा महाल कसला रानझाडी ही दाट
अंधार रातिचा, कुठं दिसंना वाट
कुण्या द्वाडानं घातला घाव
केलि कशी करणी ?
सख्या रे, घायाळ मी हरिणी

काजळकाळी गर्द रात अन्‌ कंप कंप अंगात
सळसळणार्‍या पानांनाही रातकिड्यांची साथ
कुठं लपू मी, कशी लपू मी, गेले भांबावुनी

गुपित उमटले चेहर्‍यावरती, भाव आगळे डोळ्यांत
पाश गुंतले नियतीचे रे तुझ्या नि माझ्या भेटीत
कुठं पळू मी, कशी पळू मी, गेले मी हरवुनी

Chadi Lage Cham-Cham - छडी लागे छमछम

छम्‌ छम्‌ छम्‌..... छम्‌ छम्‌ छम्‌
छडी लागे छमछम, विद्या येई घमघम
छम्‌ छम्‌ छम्‌..... छम्‌ छम्‌ छम्‌

मोठ्या मोठ्या मिश्या, डोळे एवढे एवढे लाल
दंतोजींचा पत्ता नाही, खप्पड दोन्ही गाल
शाळेमधल्या पोरांना हा वाटे दुसरा यम
छम्‌ छम्‌ छम्‌

तंबाखूच्या पिचकार्‍यांनी भिंती झाल्या घाण
पचापचा शिव्या देई खाता खाता पान
"मोर्‍या मूर्खा !", "गोप्या गद्ध्या !", देती सर्वा दम
छम्‌ छम्‌ छम्‌

तोंडे फिरवा, पुसती गिरवा, बघु नका कोणी
हसू नका, रडू नका, बोलू नका कोणी
म्हणा सारे एकदम, ओ नमा सिद्धम्‌
छम्‌ छम्‌ छम्‌

Lakh Lakh Chanderi (1) - लख लख चंदेरी (१)

लख लख चंदेरी तेजाची न्यारी दुनिया
झळाळती कोटी ज्योती या, हा हा !

चला धरू रिंगण, चुडी गुढी उंचावून
आकाशीच्या अंगणात, मंजुळ रुणझुण
नाचती चंद्र-तारे, वाजती पैंजण
छुनछुन झुमझुम, हा हा !

झोत रुपेरी भूमिवरी, गगनात
धवळली सारी सृष्टी, नाचत डोलत
कणकण उजळीत, हासत हसवीत
करी शिणगार, हा हा !

आनंदून रंगून, विसरून देहभान
मोहरली सारी काया, हरपली मोहमाया
कुडी चुडी पाजळून, प्राणज्योती मेळवून
एक होऊ या, हा हा !

Bai Mi Patang Udavit Hote - बाई मी पतंग उडवीत होते

चढाओढीने चढवीत होते
ग बाई मी पतंग उडवीत होते

होता झकास सुटला वारा
वर पतंग अकरा-बारा
एकमेकांना अडवित होते
बाई मी पतंग उडवीत होते

काटाकाटीस आला ग रंग
हसू फेसाळ घुसळीत अंग
दैव हारजीत घडवीत होते
बाई मी पतंग उडवीत होते

माझ्या दोर्‍यानं तुटला दोरा
एक पतंग येई माघारा
गेला गुंतत गिरवीत गोते
बाई मी पतंग उडवीत होते

Shur Amhi Sardar - शूर अम्ही सरदार

शूर अम्ही सरदार अम्हाला काय कुनाची भीती ?
देव, देश अन्‌ धर्मापायी प्राण घेतलं हाती !

आईच्या गर्भात उमगली झुंजाराची रीत
तलवारीशी लगिन लागलं जडली येडी प्रीत
लाख संकटं झेलुन घेइल अशी पहाडी छाती !

जिंकावे वा कटुन मरावं हेच अम्हाला ठावं
लढुन मरावं, मरुन जगावं हेच अम्हाला ठावं
देशापायी सारी इसरू माया-ममता-नाती !

Reshmachya Reghanni - रेशमाच्या रेघांनी

रेशमाच्या रेघांनी, लाल काळ्या धाग्यांनी
कर्नाटकी कशिदा मी काढीला
हात नगा लावू माझ्या साडीला !

नवी कोरी साडी लाखमोलाची
भरली मी नक्षी फूलयेलाची
गुंफियलं राघूमोर, राघूमोर जोडीला
हात नगा लावू माझ्या साडीला !

जात होते वाटंनं मी तोर्‍यात
अवचित आला माझ्या होर्‍यात
तुम्ही माझ्या पदराचा शेव का हो ओढीला ?
हात नगा लावू माझ्या साडीला !

भीड काही ठेवा आल्यागेल्याची
मुरवत राखा दहा डोळ्यांची
काय म्हणू बाई बाई, तुमच्या या खोडीला
हात नगा लावू माझ्या साडीला !

Marathi Paul Padte Pudhe - मराठी पाउल पडते पुढे

खरा स्वधर्म हा आपुला
जरी का कठीणु जाहला
तरी हाचि अनुष्ठीला, भला देखे

स्वये शस्‍त्र देशार्थ हाती धरावे
पिटावे रिपूला रणी वा मरावे
तुझ्या रक्षणा तूच रे सिद्ध होई
तदा संकटी देव धावून येई
जय जय रघुवीर समर्थ

स्वराज्य तोरण चढे
गर्जती तोफांचे चौघडे
मराठी पाउल पडते पुढे !

मऊ मेणाहूनि आम्ही विष्णुदास ।
कठीण वज्रास भेदू ऐसे ॥

कोट छातीचा अभंग त्याला
कधी न जातील तडे

माय भवानी प्रसन्‍न झाली
सोनपाऊली घरास आली
आजच दसरा, आज दिवाळी
चला सयांनो, अंगणी घालू
कुंकुमकेशर सडे
मराठी पाउल पडते पुढे !

बच्‍चे आम्ही वीर उद्याचे
बाळमुठीला बळ वज्राचे
वारस होऊ अभिमन्यूचे
दूध आईचे तेज:प्रवाहे
नसांतुनी सळसळे
मराठी पाउल पडते पुढे !

शुभघडीला शुभमुहूर्ती
सनई सांगे शकुनवंती
जय भवानी, जय भवानी
दशदिशांना घुमत वाणी

जयजयकारे दुमदुमवू हे
सह्याद्रीचे कडे !!

Halke Halke Jojva - हलके हलके जोजवा

हलके हलके जोजवा बाळाचा पाळणा
पाळण्याच्या मधोमध फिरतो खेळणा

सजली ग मऊमऊ मखमालीची शैय्या
निजली ग बाळाची गोरी गोरी काया
बाळ रुपडे देवाचे भुलविते लोचना

खेळवा लाडानं गोपा बायांनो
गोविंद घ्या, गोपाळ घ्या, म्हणा सयांनो
नाव ठेवा नवसाचा हा राजा देखणा

कुर्रर्र करा कानात हळूच भेटा ग
बारशाचा सोहळा घुगर्‍या वाटा ग
आज बाई इंद्राचा दरबार ठेंगणा

Nimbonichya Zadamage - निंबोणीच्या झाडामागे

निंबोणीच्या झाडामागे चंद्र झोपला ग बाई
आज माझ्या पाडसाला झोप का ग येत नाही

गाय झोपली गोठ्यात, घरट्यात चिऊताई
परसात वेलीवर झोपल्या ग जाईजुई
मीट पाकळ्या डोळ्यांच्या गाते तुला मी अंगाई

देवकी नसे मी बाळा, भाग्य यशोदेचे भाळी
तुझे दुःख घेण्यासाठी केली पदराची झोळी
जगावेगळी ही ममता, जगावेगळी अंगाई

रित्या पाळण्याची दोरी उरे आज माझ्या हाती
स्वप्‍न एक उधळून गेले माय लेकराची नाती
हुंदका गळ्याशी येता गाऊ कशी मी अंगाई

Dhundit Gau Mastit Rahu - धुंदीत गाऊ मस्तीत राहू

धुंदीत गाऊ मस्तीत राहू
छेडीत जाऊ आज प्रीत साजणा

थंडी गुलाबी हवा ही शराबी
छेडीत जाऊ आज प्रीत साजणी

रुपेरी उन्हांत धुके दाटलेले
दुधी चांदणे हे जणु गोठलेले
असा हात हाती तू एक साथी
जुळे आज ओठी माझ्या गीत साजणा

दंवाने भिजावी इथे झाडवेली
राणी फुलांची फुलांनीच न्हाली
ये ना जराशी, प्रिये बाहुपाशी
अशी मीलनाची आहे रीत साजणी

अशी हिरवळीची शाल पांघरावी
लाली फळांची गाली चढावी
हळूहळू वारा झंकारि तारा
आळवित प्रीतिचे संगीत साजणा

जळी यौवनाच्या डुले हा शिकारा
असा हा निवारा असा हा उबारा
अशा रम्य काली नशा आज आली
एकांत झाला जणू आज पाहुणा

Are Man Mohana - अरे मनमोहना

अरे मनमोहना,
कळली देवा तुला, राधिका रे राधिका
कळली राधिका रे कळल्या गोपिका
साधी भोळी मीरा तुला कळली नाही
तुझीमाझी प्रीत कधी जुळली नाही

सात सुरांवर तन-मन नाचे
तालावरती मधुबन नाचे
एक अबोली होती फुलली
तिच्याकडे नजर तुझी वळली नाही

धुंद सुगंधी यमुना लहरी
उजळून आली गोकुळ नगरी
जीवन माझे अंधाराचे
काळी काळी रात कधी टळली नाही

उन्हात काया, मनात छाया
कशी समजावू वेडी माया
युग युग सरले, डोळे भरले
आशेची कळी कधी फुलली नाही

Mala lagali Kunachi Uchaki - मला लागली कुणाची उचकी

आलि आलि सुगि, म्हणून चालले बिगि बिगि
गोष्ट न्हाइ सांगण्याजोगि
कुनी गालावर मारली टिचकी
मला लागली कुणाची उचकी

कुणाची गं कुणाची ? ह्याची का त्याची ? लाजू नको, लाजू नको

तरणीताठी, नार शेलाटी, चढले मी बांधावर
अटकर बांधा, गोरा गोरा खांदा, पदर वार्‍यावर
फडामध्ये चाहुल, वाजलं त्याचं पाऊल
माझ्या उरात भरली धडकी

निजले डाव्या कुशी, हाताची उशी, करुन मी कशी
वार्‍याच्या लाटा, थंडीचा काटा, मनात न्यारी खुशी
सपनात आला, त्यानं छेडलं बाई मला
त्याच्या डोळ्याची नजर तिरकी

उठून सकाळी, ल‍इ येरवाळी, गेले पानोठ्यावरी
उन्हात बसले न्हात, अंगाला पानि गुदगुल्या करी
पाण्यामध्ये दिसं, त्याचं लागलं मला पिसं
त्यानं माझीच घेतली फिरकी

रात दिसं जागते, वाट त्याची बघते, किती मी घालू साद
झोप माझी उडली, जादू कशी घडली, जाई ना त्याची याद
भेटीसाठी आले मनी, कासाविस झाले मी, माझी मलाच परकी

Mala Ishkachi Ingali Dasali - मला इष्काचि इंगळी डसली

मी एकलीच निजले, रातीच्या अंधारात,
नको तिथंच पडला अवचित माझा हात
हाताखालती नांगा काढुन वैरिण ती बसली
ग बाई मला, इष्काचि इंगळी डसली
बाई ग, बाई ग

मारलि किंकाळी कळ ल‍इ आली
उरिं घामानं भिजली चोळी
अंगाअंगाची काहिली झाली
सांगा ही कळ कसली

सार्‍या घरात फिरले बाई ग
मला औशिद गावलं न्हाई ग
तंवर कुणाची चाहूल आली
खूण खुणेला पटली

ह्या इंगळीचा कळला इंगा
खुळ्यावानि मी घातला पिंगा
मंतर घाला हलकाहलका
नार चुकुन फसली

Disala g bai Disala - दिसला ग बाई दिसला

ज्वानीच्या आगीची मशाल हाती, आले मी अवसंच्या भयाण राती
काजवा उडं, किरकिर किडं, रानात सुरात गाती
दिलाचा दिलवर, जिवाचा जिवलग
कुठं दिसंना मला, ग बाई बाई, कुठं दिसंना मला
कुठं दिसंना, इथं दिसंना, तिथं दिसंना
शोधु कुठं, शोधु कुठं, शोधु कुठं ?

दिसला ग बाई दिसला
मला बघून गालात हसला ग बाई हसला

गडी अंगानं उभा नि आडवा
त्याच्या रूपात गावरान गोडवा
तेजाळ मुखडा, सोन्याचा तुकडा
काळजामंदी ठसला, ग बाई बाई काळजामंदी ठसला

माझ्या राजाचा न्यारा डौल
डाव्या डोळ्याचा देतोय्‌ कौल
लहरी पटका, मानेला झटका
भाला उरी घुसला, ग बाई बाई भाला उरी घुसला

अंगा-अंगाची करते अदा
आग आगीवर झाली फिदा
उडंल भडका, चढंल धुंदी
जीव जीवा फसला, ग बाई बाई जीव जीवा फसला

Tumhavar Keli Mi Marji Bahal तुम्हांवर केलि मि मर्जि

तुम्हांवर केलि मि मर्जि बहाल
नका सोडुन जाऊ, रंगमहाल

पापण्यांचि तोरणं बांधुन डोळ्यांवरती
ही नजर उधळिते काळजातली पिर्ती
जवळी यावं, मला पुसावं, गुपीत माझं खुशाल

हुरहुर म्हणु की ओढ म्हणू ही गोड
या बसा मंचकी, सुटंल गुलाबी कोडं
विरह जाळिता मला, रात ही पसरी मायाजाल

लाडे-लाडे अदबिनं तुम्हा विनविते बाई
पिरतिचा उघडला पिंजरा तुमच्या पायी
अशीच र्‍हावी रात साजणा, कधी न व्हावी सकाळ

Chabidar Chabi Mi Toryat Ubhi - छबीदार छबी मी तोर्यात

अवं हे गाव लई न्यारं, हितं थंड गार वारं ह्याला गरम शिणगार सोसंना
ह्याचा आदर्शाचा तोरा, ह्याचा कागद हाय कोरा
हितं शाहिरी लेखणी पोचंना
हितं वरणभाताची गोडी रं, नको फुकट छेडाछेडी रं
अरं सोंगाढोंगाचा बाजार हिथला, साळसूद घालतोय्‌ अळीमिळी
अन्‌ सार वरपती, रसा भुरकती, घरात पोळी अन्‌ भायेर नळी रं, रं, रं

अशा गावात तमाशा बरा, इश्काचा जरा, पिचकारी भरा,
उडू दे रंग, उडू दे रंग, उडू दे रंग
मखमली पडद्याच्या आत, पुनवेची रात, चांदणी न्हात, होवू दे दंग
अगं चटकचांदणी, चतूर कामिनी
काय म्हनू तुला तू हायेस तरी कोन

छबीदार छबी मी तोर्‍यात उभी, जशी चांदणी चमचम नभी
अवं दाजिबा, गावात होईल शोभा, हे वागणं बरं नव्हं

नवतीचं रान हे भवतीनं, फिरत आले मी गमतीनं
बांधावरनं चालू कशी, पाठलाग ह्यो टाळू कशी
अरं लाजमोड्या, भलत्याच करतोयस खोड्या, हे वागणं बरं नव्हं

डौल दावते मोराचा, तिरपा डोळा चोराचा
वढ्याच्या काठाला आडिवतो, अंगावर पानी उडिवतो
अरं बजरंगा, नकोस घालू पिंगा, हे वागणं बरं नव्हं

हिरवी शेतं दरवळली, टपोरी कणसं मोहरली
शिळ घालुनी करतो खुणा, घडीघडीला चावटपणा
अरं मर्दा, अब्रुचा होईल खुर्दा, हे वागणं बरं नव्हं

मिरचीचा तोरा मी करते रं, वट्यात ऐवज भरते रं
पदर माझा धरतोस कसा, भवतीनं माझ्या फिरतोस कसा
अरं बत्ताशा, कशाला पिळतोस मिशा, हे वागणं बरं नव्हं

Ali Thumkat Naar Lachkat - आली ठुमकत नार लचकत

ग साजणी !
कुण्या गावाचि, कुण्या नावाचि, कुण्या राजाचि, तू ग राणी
आली ठुमकत, नार लचकत, मान मुरडत, हिरव्या रानी

खुळूखुळू घुंगराच्या तालावर झाली दंग
शालू बुट्टेदार लईलई झाला तंग
सोसंना भार घामाघूम झालं अंग
गोर्‍या रंगाचि, न्यार्‍या ढंगाचि, चोळि भिंगाचि, ऐन्यावानी

डाळिंबाचं दाणं तुझ्या पिळलं ग व्हटावरी
गुलाबाचं फूल तुझ्या चुरडलं गालांवरी
कबूतर येडं खुळं फिरतया भिरीभिरी
तुझ्या नादानं, झालो बेभान, जीव हैरान, येड्यावानी

कवळ्यात घेऊनीया अलगद उचलावं
मऊमऊ हिरवाळीत दहिंवरात भिजवावं
पिरतीचं बेन तुझ्या काळजात रुजवावं
लाडीगोडीनं, पुढल्या ओढीनं, र्‍हाउ जोडीनं, राजारानी

Shodu Mi Kuthe Kashi Priya - शोधू मी कुठे कशी

शोधू मी कुठे, कशी, प्रिया, तुला ?
प्रीती का देई साद ही मजला ?

दिसे कुणी मज पुन्हा लपते ग
घुमते का शीळ इथे ?
पदरी मी भास खुळे जपते ग
हलले का पान तिथे ?
वारा हा काही सांगतो मजला !

ओळखीची खूण काही पटते ग
नच झाली भेट जरी
डोळियांच्या पापणीत मिटते ग
उमटे जे बिंब उरी
येती या चाहुली कशा मजला ?

Ya Rav ji Basa Bhavji - या रावजी बसा भावजी

या रावजी, बसा भावजी
कशी मी राखू तुमची महरजी, हो बसा रावजी

वळक तुमची धरून मनी
काय करू सांगा तुमची अहरजी

तुम्हा बघुन डावा डोळा झाकला
पडदा लाजंचा लाजंचा फेकला

गुलहौशी तुमी मी अशी गुलछडी
तुम्हासाठी नटुन आज राहीन खडी
अशी रोखा नजर त्यात भरलं जहर
घोट घेऊन जीव ह्यो माजा झिंगला
पडदा लाजंचा लाजंचा फेकला

रूप रंगाच्या महाली सुख माजं रंगलं
काळजाच्या झुंबराला दु:ख माजं टांगलं
नको पर्वा आता माजं जीणं लुटा
असा जुगार उलटा मी हो मांडला
पडदा लाजंचा लाजंचा फेकला

रोज बुरखा नवा रोज नवी मजा
तुम्ही गुन्हा करा मी हो भोगीन सजा
तुमची वळख धरीन बाकी चुकती करीन
ध्यास तुमचा मनाला पाव्हणं लागला
पडदा लाजंचा लाजंचा फेकला

Mi Jalvanti Mi Fulavanti - मी जलवंती मी फुलवंती

मी जलवंती मी फुलवंती, तुझी नजर लागंल मला
काय तुझ्या मनात, सांग माझ्या कानात जाईजुईच्या फुला रं

मी जलवंती मी फुलवंती, तुझी नजर लागंल मला
थांब जरा तिथं............ लाज वाटती !
काय म्हणू तिला ?.... ती हाय पिरती !

तुझ्या रुपाचं, रुपाचं डोळ्यात हासू फुटं
तुझ्या संगतीनं, संगतीनं उमलून पाकळी मिटं
रुसावं, हसावं, उगीच फसावं, कुठं ही शिकलीस कला ?

या पावसात झाले ओलेचिंब, गोर्‍या गाली मोतियांचे थेंब
दोघांत निवांत मिळाला एकांत, भेटीचा मोका आला

Mala Jau Dya na Ghari - मला जाऊ द्या ना घरी, आता वाजले की बारा

कशा पाई छळता, मागं मागं फिरता
असं काय करता, दाजी हिला भेटा की येत्या बाजारी
सहाची बि गाडी गेली नवाची बि गेली
आता बाराची गाडी निघाली
हिला जाऊ द्या ना घरी, आता वाजले की बारा.

ऐन्यावानी रुप माझं उभी ज्वानीच्या मी उंबर्‍यात
नादावलं खुळंपीसं कबुतर हे माज्या उरात
भवताली भय घाली रात मोकाट ही चांदण्याची
उगा घाई कशापायी हाये नजर उभ्या गावाची

शेत आलं राखनीला राघु झालं गोळा
शीळ घाली आडुन कोनी करुन तिरपा डोळा
आता कसं किती झाकू सांगा कुटवर राखू
राया भान माझं मला र्‍हाईना
मला जाऊ द्या ना घरी, आता वाजले की बारा.

कशा पाई छळता, मागं मागं फिरता
असं काय करता, दाजी हिला भेटा की येत्या बाजारी
सहाची बि गाडी गेली नवाची बि गेली
आता बाराची गाडी निघाली
हिला जाऊ द्या ना घरी, आता वाजले की बारा.

आला पाड झाला भार भरली उभारी घाटाघाटात
तंग चोळी अंग जाळी टच्च डाळींब फुटं व्हटात
गार वारा झोंबणारा द्वाड पदर जागी ठरंना
आडोश्याच्या खोडीचं मी कसं गुपीत राखू कळंना

मोरावानी डौल माझा मैनेवानी तोरा
औंदाच्या गा वर्साला मी गाठलं वय सोळा
जीवा लागलीया गोडी तरी कळ काढा थोडी
घडी आताचि ही तुम्ही र्‍हाऊ द्या
मला जाऊ द्या ना घरी, आता वाजले की बारा.

कशा पाई छळता, मागं मागं फिरता
असं काय करता, दाजी हिला भेटा की येत्या बाजारी
सहाची बि गाडी गेली नवाची बि गेली
आता बाराची गाडी निघाली
हिला जाऊ द्या ना घरी, आता वाजले की बारा.

Lav Lav Kari Paat - लवलव करी पातं

लवलव करी पातं :
डोळं नाही थार्‍याला;
एकटक पाहूं कसं
लुकलुक तार्‍याला ?

चव चव गेली सारी,
जोर नाही वार्‍याला;
सुटं सुटं झालं मन :
धरूं कसं पार्‍याला ?

कुणी कुणी नाही आलं,
फडफड राव्याची;
रूणझुण हवा का ही ?
गाय उठे दाव्याची.

तटतट करी चोळी,
तूट तूट गाठीचीं;
उंबर्‍याशी जागी आहे
पारूबाई साठीची.

Nadatun ya naad nirmito - नादातुन या नाद निर्मितो .

ध्यानमूलं गुरुर्मूर्तिः
पूजामूलं गुरुर्पदम् ।
मन्त्रमूलं गुरुर्वाक्यं 
मोक्षमूलं गुरूर्कृपा ॥
नादातुन या नाद निर्मितो ..

नाद निर्मितो मंगलधाम 

श्रीराम जय राम… जय जय राम…..

परब्रह्मात आहे राम
श्रीराम जय राम… जय जय राम…..
चैतन्यात आहे राम .
श्रीराम जय राम… जय जय राम…..
सत्संगाचा सुगंध राम .
श्रीराम जय राम… जय जय राम…..
आनंदाचा आनंद राम ..
श्रीराम जय राम… जय जय राम…..
त्रिभुवनतारक आहे राम 
श्रीराम जय राम… जय जय राम…..
सुखकारक हा आहे राम 
श्रीराम जय राम… जय जय राम…..
श्रद्धा जेथे तेथे राम .
श्रीराम जय राम… जय जय राम…..
शांती जेथे तेथे राम ..
श्रीराम जय राम… जय जय राम…..
सबुरी ठायी आहे राम 
श्रीराम जय राम… जय जय राम…..
चैतन्याचे सुंदर धाम .
श्रीराम जय राम… जय जय राम…..
पुरुषोत्तम परमेश राम 
श्रीराम जय राम… जय जय राम…..
भक्तिभाव तेथे राम 
श्रीराम जय राम… जय जय राम…..
सगुण सुंदर आहे राम
श्रीराम जय राम… जय जय राम…..
निर्गुणी सुंदर आहे राम 
श्रीराम जय राम… जय जय राम…..
लावण्याचा गाभारा 
श्रीराम जय राम… जय जय राम…..
कैवल्याची मूर्ती राम 
श्रीराम जय राम… जय जय राम…..
चराचरातील स्फूर्ती राम 
श्रीराम जय राम… जय जय राम…..
अत्म्याठायी आहे राम 
श्रीराम जय राम… जय जय राम…..
पर्मात्माही आहे राम .
श्रीराम जय राम… जय जय राम…..
सगुणातही आहे राम 
श्रीराम जय राम… जय जय राम…..
निर्गुणी सुंदर आहे राम 
श्रीराम जय राम… जय जय राम…..
जे जे मंगल तेथे राम 
श्रीराम जय राम… जय जय राम…..
सुमंगलाची पहाट राम 
श्रीराम जय राम… जय जय राम…..
सृष्टीचे ह्या चलन राम ..
श्रीराम जय राम… जय जय राम…..
कर्तव्याचे पालन राम 
श्रीराम जय राम… जय जय राम…..
दु:ख निवारक आहे राम 
श्रीराम जय राम… जय जय राम…..
स्वानंदाच्या ठायी राम 
श्रीराम जय राम… जय जय राम…..
सुंदर सूर तेथे राम
श्रीराम जय राम… जय जय राम…..
शब्द सुंदर तेथे राम 
श्रीराम जय राम… जय जय राम…..
सकल जीवांच्या ठायी राम.
श्रीराम जय राम… जय जय राम…..
वात्सल्याचे स्वरूप राम 
श्रीराम जय राम… जय जय राम…..
सुंदर माधव मेघ श्याम ..
श्रीराम जय राम… जय जय राम…..
दशरथ नंदन रघुवीर राम 
श्रीराम जय राम… जय जय राम…..
अयोध्यापती योद्धा राम 
श्रीराम जय राम… जय जय राम…..
रघुपती राघव राजाराम 
श्रीराम जय राम… जय जय राम…..
रामनाम सुखदायक राम ..
श्रीराम जय राम… जय जय राम…..
सकल सुखाचा सागर राम .
श्रीराम जय राम… जय जय राम…..
चराचरातील जागर राम 
श्रीराम जय राम… जय जय राम…..
रामभक्त नीत स्मरतो राम .
श्रीराम जय राम… जय जय राम…..
कुशलव गायिणि रमतो राम 
श्रीराम जय राम… जय जय राम…..
हनुमंताच्या हृदयी राम 
श्रीराम जय राम… जय जय राम…..
जानकी वल्लभ राजस राम 
श्रीराम जय राम… जय जय राम…..
चराचरातील आत्मा राम
श्रीराम जय राम… जय जय राम…..
समर्थ वचनी रमला राम 
श्रीराम जय राम… जय जय राम…..
कुलभूषण रघुनंदन राम 
श्रीराम जय राम… जय जय राम…..
राम गायिणि रमतो राम 
श्रीराम जय राम… जय जय राम…..
स्वरांकुरांच्या हृदयी राम 
श्रीराम जय राम… जय जय राम…..
भक्तीरंगी खुलतो राम 
श्रीराम जय राम… जय जय राम…..
दाशरथी हा निजसुखधाम 
श्रीराम जय राम… जय जय राम…..
कौसल्यासुत हृदयनिवास 
श्रीराम जय राम… जय जय राम…..
राजीवलोचन पुण्यनिध्य हा 
श्रीराम जय राम… जय जय राम…..
सीतापती कैवल्य प्रमाण
श्रीराम जय राम… जय जय राम…..
पत्नीपरायण सीताराम 
श्रीराम जय राम… जय जय राम…..
लक्ष्मण छाया दे विश्राम 
श्रीराम जय राम… जय जय राम…..
आदर्शांचा आदर्श राम 
श्रीराम जय राम… जय जय राम…..
एक वचनी हा देव महान
श्रीराम जय राम… जय जय राम…..
श्रीराम जय राम… जय जय राम…..
श्रीराम जय राम… जय जय राम…..
श्रीराम जय राम… जय जय राम…..
श्रीराम जय राम… जय जय राम…..
श्रीराम जय राम… जय जय राम…..
श्रीराम जय राम… जय जय राम…..